Pas rrënimeve të shumta, djegieve e degradimeve të objekteve të trashëgimisë kulturore në vend për vite me radhë, e po ashtu pas ngjarjes së 17 majit me rrënimin e objektit të Teatrit në Tiranë, është momenti i fundit që të reagojmë fuqishëm në mbrojtje të së kaluarës. Kosova ka objekte të shumta të cilat kanë mbetur të braktisura për një periudhë të gjatë kohore tashmë, të cilat po shkatërrohen në forma të ndryshme. E me shkatërrimin e tyre po humbet edhe një copë historie.
Rikthimi i vëmendjes tek objektet e braktisura, bashkë me dokumentimin e pjesës historike, arkitektonike dhe trashëgimisë kulturore përmes mbledhjes së kujtesës kolektive janë qëllimet kryesore të Metamorphosis. Përmes mbledhjes së kujtesës kolektive ri-jetësojmë përkohësisht jo vetëm objektin por edhe tërë lagjen. Detaje, rrëfime, arkiva personale, e shumëçka tjetër shpalosen gjatë procesit të hulumtimit në terren për të ardhur më pas tek intervenimi artistik që bëhet nga një artist/artiste e ftuar nga Fondacioni Shtatëmbëdhjetë.
Për të qenë pjesë e këtij procesi shumë të rëndësishëm të hulumtimit dhe mbledhjes së kujtesës kolektive ftojmë të rinj e të reja, student/e që merren apo kanë interesim në këtë fushë të bëhen pjesë e punëtorisë pesë ditore, të ndarë në dy procese, të Metamorphosis III.
Fushat në të cilat punoni apo keni interesim më shumë të kontribuoni ndër të tjera mund të jenë, antropologjia, etnologjia, sociologjia, arkitektura, ndërhyrja urbane, kujtesa kolektive dhe çështjet sociale. Gjatë punëtorisë do të mund të mësoni se si të bëni hulumtim në terren për mbledhjen e kujtesës kolektive të hapësirës publike të përzgjedhur.
Pas punëtorisë grupet e paracaktuara do të kontribuojnë me mbledhjen e materialeve që do të shërbejnë për finalizim të idesë së artistit/es për ndërhyrjen artistike e cila do të zë vend në një objekt në Prishtinë i cili ka histori dhe vlera të trashëgimisë kulturore. Materialet e mbledhura në teren po ashtu do të jenë pjesë e librit të Metamorphosis III. I gjithë procesi i punës do të realizohet në bashkëpunim me ekipin e Metamorphosis III.
Të drejtë aplikimi kanë të gjithë ata/ato prej moshës 18-24 vjeçare që jetojnë në Komunën e Prishtinës.
Për t’u bërë pjesë e punëtorisë duhet të plotësoni formën e aplikimit online:
https://forms.gle/F9Vtyu4oWfM61cso6
